【中國有嘻哈】嘻哈俠甘願跟隨吳亦凡 仲要除面具示好？

最新一集《中國有嘻哈》節目開首就看到三個製作人單位：MC Hot Dog &張震嶽、潘瑋柏、吳亦凡的演出，並會由23強的選手評分，反評4位製作人。

不斷被讚「帥」的吳亦凡結果得票排最尾，MC Hot Dog &張震嶽得票獲第2、潘瑋柏得第1，宣佈結果後吳亦凡都一臉茫然。其實今次吳亦凡的演出可算是為可以為自己吐一口烏氣，至少向外界展示自己rap與製作音樂的實力，可惜在這次公演落敗。

潘瑋柏本身Mic Drop係型嘅，不過之後要自己執返。

不過在製作人演出時，潘瑋柏與吳亦凡都各有「蝦碌」。潘瑋柏唱完後，好型咁擺ending pose，仲要嚟個Mic Drop，點知型得嗰一下，之後都係要自己執返。而吳亦凡本身好型咁除外套，點知除到一半竟然卡住揸咪隻手，仲要嗰下就嚟入歌。

節目頭6分鐘HipHop Man已經出「Punchline」，他說：「聽完MC HotDOG唱《差不多先生》，覺得自已差不多時候要脫下面具，但是還未決定甚麼時候。」雖然HipHop Man的身份已經是公開的秘密，不過仍是節目的一大爆點。

【嘻哈侠解开面具】

https://v.qq.com/txp/iframe/player.html?vid=d0531tltob4&width=500&height=375&auto=0

HipHop Man喺節目頭6分鐘就預告定自己會除面具。

去到節目尾段，到MC Jin選擇製作人，千萬都想不到他會選擇入吳亦凡隊伍。節目一出街開始，由吳亦凡去評定MC Jin能否入圍已惹來外界一致負評，想不到現在MC Jin會選擇吳亦凡為自己的製作人，到底是兩人真的有緣，還是為了配合節目效果，伏筆早已埋下，果然「一切都是套路」。而且一打開選擇門後，MC Jin就表示「這個moment要脫了」就除下面具，4個製作都大感興奮並歡呼。

吳亦凡搶到MC Jin個樣好得戚。

當然啦，為咗節目效果，除咗面具嘅HipHop Man都係冇正面你睇，得個背脊咋，想睇MC Jin個樣就睇下集啦！

最後都係得個背脊俾你睇。